صفر دا چندر ڈیکھنڑ سانگے رویت ہلال کمیٹی دا اجلاس کل تھیسی

فیصل آباد ۔ 18 اکتوبر (اے پی پی) صفر 1439 ہجری داچندرڈیکھنڑ سانگے رویت ہلال کمیٹی دا اجلاس کل 20اکتوبر جمعے دے ڈینھ 29محرم دی شام مغرب کوں سڈ گھدا گیا ہے ۔محکمہ مذہبی امور ڈسایا ہے جو مرکزی رویت ہلال کمیٹی دا اجلاس مفتی منیب الرحمن دی سربراہی اچ کراچی اچ منعقد تھیسی جڈاں جو زونل رویت ہلال کمیٹیاں دے اجلاس انہاں دی مقررہ جاہ تے تھیسن ۔انہاں ڈسایا جو ایں موقع تے سارے ملک توں شہادتاں دی وصولی تے چندر ڈیکھنڑ دے بعد ایندی رویت دا باضابطہ اعلان کیتا ویسی ۔ملک دے ممتاز ماہر فلکیات ، قمر شناس ، علم الاعداد تے رویت ہلال پروفیسر محمد حمزہ نعیم پرنسپل (ر) گورنمنٹ پوسٹ گریجوایٹ کالج جھنگ پیش گوئی کیتی ہے جو صفر 1439دا چندر 30محرم 21اکتوبر ہفتے دی شام کوں نظر آسی جڈاں جو یکم صفر 22اکتوبر اتوار کوں ہوسی ۔انہاں ڈسایا جو صفر دا نواں چندر 29محرم 20اکتوبر جمعے کوں پیدا تھیسی لیکن ایں شام ایندا ٹائم پورا نہ تھیسی ایں سانگے جمعے دی شام کوں چندر ڈیکھنڑ ممکن کائنی ۔انہاں ڈسایا جو چندر 30محرم 21اکتوبر ہفتے دی شام کوں نویں چندر دی طبعی عمر پوری تھیسی ایں سانگے بعد مغرب مذکورہ چندر کوں ننگی اکھ نال ڈیکھنڑ ممکن تھی سگسی تے یکم سفر 22اکتوبر اتوا ر کوں ہوسی ۔

مضمون کا ماخذ : آن لائن لاٹری ویب سائٹ

متعلقہ مضامین